Refund Policy

Printing ka business “on-demand production” ki category may ata hay. Aap kay liyeh SPECIALLY print ki hui product hamaray ya dosray customers kay liyeh qabil istamal nahi hooti hay. Is is liyeh PRINTED PRODUCTS after printing naa qabil e wapsi hay. Please order confirm karnay, design approve karnay say pehlay in cheezo ka kahayal rakhyeh:

  • Aap kay liyeh banaya gaya design/artwork, ko aap nay achi tarha check kar liya hay. Is may koi Typo (spelling mistake, number mistake) nahi hay.
  • Aap nay joo address diya hain, artwork/design may wahi address hay.
  • Aap nay joo contact numbers diyeh hain, artwork/design may wahi contacts hain.
  • Aap nay joo email address diya hay, artwork/design may wahi email address hay.

Please note, PROOF READING customer, client ki apni zimaydari hay.

Kia cheez non-refundable hay?

  • CUSTOMIZED PRINTED PRODUCTS print honay kay baad non-refundable hay.
  • Customer ki janib say approval denay kay baad Bharosa Solutions kis bhi TYPO, CORRECTION ki zaimaydar nahi hoo gi. Mis-printed product non-refundable hay.
  • Printing ka process shuru honay kay baad artwork/design ko UPDATE karna mumkin nahi hota hay. Joo aap nay approve kia hay, wahi print hoo ga. Is soorat may bhi mis-printed product non-refundable hay.
  • Jo kaam LOT PRINTED (lot printing kay baray may jannay kay liyeh Yaha Click karain) hay, us may exact colors (same as on screen) ki guarantee nahi hogi. Colors may variation ko mistake count NAHI kia jai ga, aur product non-refundable hoo gi.
  • Sada alfaz may joo mistake aap ki janib say hui hay, woh aap ko afford karni hoo gi.

Refund kis soorat may hoo ga?

  • Ager aap ki approval kay baad Bharosa Solutions say koi TYPO hoo gai hay, ya koi CORRECTION joo aap nay (written) batai thi, mgr hamari mistake say woh correction nahi hoo saki too is soorat may hum aap ko aap ka full amount refund karain gay.
  • Aap nay printing ka process start honay say pehlay order cancel kar diya (Whatsapp ya Call per) too aap ka amount refund kar diya jai ga.

Refund ya Reprint?

Jaha refund ki soorat e hal paida hoo gi, waha hum aap say request karain gay keh aap humain aik mooqa aur dain, hum apni mistake ko durust kar kay aap ko aap ki product re-print kar kay day dain. Aap kay cooperation ka advance may shukria.